កម្ពុជាពង្រឹងបណ្តាញតំបន់សេដ្ឋកិច្ចពិសេស ដោយកសាងខ្លួនជាមជ្ឈមណ្ឌលខ្សែច្រវាក់ផ្គត់ផ្គង់ប្រចាំតំបន់អាស៊ីអាគ្នេយ៍

ការវិនិយោគលើតំបន់សេដ្ឋកិច្ចពិសេរបស់កម្ពុជា បន្តមានកំណើនយ៉ាងរហ័ស ដោយដើរតួជាកាលីករដ៏សំខាន់ក្នុងការទាក់ទាញទុនវិនិយោគពីបរទេស។ ក្នុងរយៈពេលប៉ុន្មានឆ្នាំចុងក្រោយនេះ រាជរដ្ឋាភិបាលបានពង្រីកការអភិវឌ្ឍតំបន់សេដ្ឋកិច្ចពិសេស រហូតដល់ចំនួនសរុប ៦២ កន្លែងនៅទូទាំងប្រទេស ដែលក្នុងនោះមាន ៣៥ កន្លែងកំពុងដំណើរការ ដោយបានទាក់ទាញបណ្តុំឧស្សាហកម្មផលិតកម្ម និងឧស្សាហកម្មតម្រង់ទិសនាំចេញកាន់តែច្រើនឡើង។ ទុនវិនិយោគដែលត្រូវបានអនុម័តបានសម្រេចដល់ប្រមាណ ១០ ពាន់លានដុល្លារអាមេរិកក្នុងឆ្នាំ២០២៥ ខណៈទុនវិនិយោគជាង ២,៦ ពាន់លានដុល្លារអាមេរិកត្រូវបានកត់ត្រាក្នុងរយៈពេលបួនខែដំបូងនៃឆ្នាំ២០២៦ ដែលឆ្លុះបញ្ចាំងពីទំនុកចិត្តប្រកបដោយចិរភាពរបស់វិនិយោគិនអន្តរជាតិ។ តាមរយៈការកែលម្អជាបន្តបន្ទាប់នូវហេដ្ឋារចនាសម្ព័ន្ធ និងក្របខ័ណ្ឌគោលនយោបាយ ការបែងចែកការវិនិយោគកាន់តែមានតុល្យភាព ដែលជួយពង្រឹងបន្ថែមទៀតនូវជំហររបស់កម្ពុជា ក្នុងនាមជាមជ្ឈមណ្ឌលយុទ្ធសាស្ត្រសម្រាប់ផលិតកម្ម និងខ្សែច្រវាក់ផ្គត់ផ្គង់នៅក្នុងតំបន់។