កម្ពុជា និងសិង្ហបុរី ផ្តួចផ្តើមគ្នាបើកដំណើរការ «ច្រករបៀងតម្លាភាពហិរញ្ញវត្ថុ»

ដោយមានសាក្សីពីមេដឹកនាំនៃប្រទេសកម្ពុជា និងសិង្ហបុរី ស្ថាប័នហិរញ្ញវត្ថុពីភាគីទាំងសងខាងបានបើកដំណើរការជាផ្លូវការនូវគម្រោង "Financial Transparency Corridor" (FTC) ក្នុងប្រទេសសិង្ហបុរី។ នេះគឺជាវេទិកាហេដ្ឋារចនាសម្ព័ន្ធឌីជីថលដែលដំណើរការរួមគ្នាដោយធនាគារមកពីប្រទេសទាំងពីរ ដើម្បីជំរុញកំណើនរបស់សហគ្រាសធុនតូច និងមធ្យម វាយតំលៃហានិភ័យឥណទាន និងលើកកម្ពស់ការសម្របសម្រួលនៃពាណិជ្ជកម្មឆ្លងព្រំដែន និងសេវាកម្មហិរញ្ញវត្ថុ។ ទេសាភិបាលធនាគារជាតិនៃកម្ពុជាបានមានប្រសាសន៍ថា គម្រោងនេះនឹងលើកកម្ពស់គុណភាព តម្លាភាព និងការជឿទុកចិត្តលើទិន្នន័យហិរញ្ញវត្ថុនិងសេវាកម្មហិរញ្ញវត្ថុនៃប្រទេសទាំងពីរ និងផ្តល់ការគាំទ្រផ្នែកហិរញ្ញវត្ថុកាន់តែប្រសើរឡើងសម្រាប់សហគ្រាសធុនតូច និងមធ្យម។ នេះពិតជាមានសារៈសំខាន់ណាស់ក្នុងការលើកកម្ពស់ការអភិវឌ្ឍន៍សេដ្ឋកិច្ចក្នុងតំបន់ និងឆ្លុះបញ្ចាំងពីការខិតខំប្រឹងប្រែងរួមគ្នារបស់ឧស្សាហកម្មក្នុងការលើកកម្ពស់កិច្ចសហប្រតិបត្តិការហិរញ្ញវត្ថុ។