RCEP នាំមកនូវឱកាសពាណិជ្ជកម្មថ្មីសម្រាប់កម្ពុជា

ចាប់តាំងពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ចូលជាធរមាននៅថ្ងៃទី 1 ខែមករា ឆ្នាំ 2022 បាននាំមកនូវឱកាសអភិវឌ្ឍន៍ពាណិជ្ជកម្មដ៏សំខាន់សម្រាប់កម្ពុជា។ ក្នុងឆមាសទីមួយនៃឆ្នាំ 2024 ទំហំពាណិជ្ជកម្មទ្វេភាគីរវាងកម្ពុជា និងប្រទេសជាសមាជិក RCEP ឈានដល់ 16.9 ពាន់លានដុល្លារអាមេរិក ដែលស្មើនឹង 64% នៃទំហំពាណិជ្ជកម្មសរុបរបស់កម្ពុជា។ ការនាំចេញកើនឡើង 11% និងការនាំចូល 15.3% ក្លាយជាកត្តាជំរុញដ៏សំខាន់នៃកំណើនសេដ្ឋកិច្ចរបស់កម្ពុជា។ ក្រសួងពាណិជ្ជកម្មកម្ពុជា បានបញ្ជាក់ថា RCEP មិនត្រឹមតែជំរុញកិច្ចសហប្រតិបត្តិការពាណិជ្ជកម្មក្នុងតំបន់ប៉ុណ្ណោះទេ ប៉ុន្តែថែមទាំងជួយទាក់ទាញការវិនិយោគបរទេសកាន់តែច្រើនចូលមកកម្ពុជា។ នេះនឹងជួយឱ្យកម្ពុជាសម្រេចបាននូវគោលដៅប្រកបដោយមហិច្ឆតារបស់ខ្លួនក្នុងការក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ2030 និងជាប្រទេសដែលមានចំណូលខ្ពស់នៅឆ្នាំ២០៥០។ RCEP ពិតជាបានរួមបញ្ចូលកម្លាំងជំរុញថ្មីទៅក្នុងការអភិវឌ្ឍន៍សេដ្ឋកិច្ចរបស់កម្ពុជា។