តំបន់ទន្លេឡានឆាង-មេគង្គនឹងចែករំលែកទិន្នន័យទាន់ពេលវេលាជាក់ស្តែងអំពីធនធានទឹក

យោងតាមលទ្ធផលបឋមនៃការសិក្សារួមគ្នាដែលចេញផ្សាយដោយមជ្ឈមណ្ឌលកិច្ចសហប្រតិបត្តិការធនធានទឹកទន្លេឡានឆាង-មេគង្គ របស់ប្រទេសចិន និងគណៈកម្មការទន្លេមេគង្គឡាវ បានឱ្យដឹងថា គ្រោះរាំងស្ងួតដែលបង្កឡើងដោយសារអាកាសធាតុបានជះឥទ្ធិពលធ្ងន់ធ្ងរដល់ទន្លេឡានឆាង-មេគង្គ ក្នុងប៉ុន្មានឆ្នាំថ្មីៗនេះ។ ថ្ងៃទី 5 ខែតុលា លំហូរនៃបឹងទន្លេសាបដែលជាទន្លេដ៏សំខាន់នៅប្រទេសកម្ពុជាបានធ្លាក់ចុះក្នុងកម្រិតទាបប្រវត្តិសាស្ត្រទៅជា "លំហូរបញ្ច្រាស" ដ៏កម្រ។ អ្នកជំនាញនិយាយថា ការចែករំលែកទិន្នន័យទាន់ទន្លេមានសារៈសំខាន់ណាស់ក្នុងការគ្រប់គ្រងធនធានទឹកទន្លេឡានឆាង-មេគង្គឱ្យកាន់តែប្រសើរឡើង ដើម្បីដោះស្រាយបញ្ហាដែលប្រឈមដោយសារអាកាសធាតុ។
ទន្លេមេគង្គមានប្រភពចេញពីខ្ពង់រាប"ទីបេ"ក្នុងប្រទេសចិន ហើយត្រូវបានគេស្គាល់ថាជាទន្លេឡានឆាងក្នុងប្រទេសចិន ហើយហូរកាត់ប្រទេសមីយ៉ាន់ម៉ា ឡាវ ថៃ កម្ពុជា និងវៀតណាម។ ទន្លេមេគង្គ​មាន​ប្រវែងសរុប 4,880 គីឡូម៉ែត្រ ហូរឆ្លងកាត់ផ្ទៃដីទំហំ​ 795,000 គីឡូម៉ែត្រ​ និង​អាច​ផ្គត់ផ្គង់ជីវភាព​ប្រជាជន​បាន​ជាង 300 លាន​នាក់​។
លោក Natharoun Ngo Son នាយកប្រចាំប្រទេសនៃអង្គការមិនរកប្រាក់ចំណេញ EnergyLab នៅកម្ពុជាបានមានប្រសាសន៍ថា ក្រៅពីការចែករំលែកទិន្នន័យសម្រាប់ការអភិវឌ្ឍន៍វារីអគ្គិសនី ការប្រែប្រួលអាកាសធាតុបានធ្វើឱ្យវាកាន់តែមានសារៈសំខាន់ក្នុងការធ្វើការរួមគ្នាលើការធ្វើពិពិធកម្មថាមពល ដើម្បីធានាសុវត្ថិភាពថាមពល ខណៈពេលដែលកាត់បន្ថយការបំភាយកាបូនដោយសារតែលក្ខណៈវារីអគ្គិសនីតាមរដូវកាល។ ប្រទេសចិន ដែលជាប្រទេសនាំមុខគេលើពិភពលោកខាងថាមពលកកើតឡើងវិញ អាចធ្វើកិច្ចសហប្រតិបត្តិការលើវិស័យទាំងនេះ។
ជាឧទាហរណ៍ ក្នុងអំឡុងវេទិកាខ្សែក្រវាត់និងផ្លូវលើកទី៣ សម្រាប់កិច្ចសហប្រតិបត្តិការអន្តរជាតិ ដែលទើបតែបញ្ចប់នៅទីក្រុងប៉េកាំង កាលពីថ្ងៃទី18 ខែតុលា លោក Ngo Son បាននិយាយថា កម្ពុជាទទួលបានការវិនិយោគចំនួន 3.6 ពាន់លានក្នុងវិស័យថាមពលរបស់ខ្លួន ជាមួយនឹងទឹកប្រាក់ចំនួន 600 លានដុល្លារ ដែលបានសន្យាជាពិសេសសម្រាប់គម្រោងថាមពលពន្លឺព្រះអាទិត្យ និងថាមពលខ្យល់។