អាកាសយានដ្ឋានអន្តរជាតិសៀមរាបអង្គរបានដំណើរការហោះហើរសាកល្បងដោយជោគជ័យ

ថ្មីៗនេះ អាកាសយានដ្ឋានអន្តរជាតិសៀមរាបអង្គរបានបើកដំណើរការហោះហើរសាកល្បង ហើយបានប្រព្រឹត្តទៅដោយរលូន និងជោគជ័យ។
ក្នុងអំឡុងពេលដំណើរការសាកល្បង អាកាសយានដ្ឋានអន្តរជាតិសៀមរាបអង្គរបានទទួលជើងហោះហើរពីក្រុមហ៊ុនអាកាសចរណ៍ចំនួនបីគឺ Sky Angkor Airlines (ទិសដៅ៖ ភ្នំពេញ-សៀមរាប), Cambodia Airways (ទិសដៅ៖ ភ្នំពេញ-ព្រះសីហនុ-សៀមរាប) និង China Eastern Airlines (ទិសដៅ៖ គុនមីង-សៀមរាប)។
ប្រធានការិយាល័យទេសចរណ៍ខេត្តសៀមរាប បានឱ្យដឹងថា ការបើកដំណើរការព្រលានយន្តហោះអន្តរជាតិសៀមរាបអង្គរ នឹងទាក់ទាញភ្ញៀវទេសចរណ៍មកខេត្តសៀមរាបកាន់តែច្រើន។ បច្ចុប្បន្នខេត្តសៀមរាបទទួលបានជើងហោះហើរជាមធ្យមពី 15 ទៅ 17ជើងក្នុងមួយថ្ងៃ ដែលមានអ្នកដំណើរប្រមាណពី 1,000 ទៅ 1,500នាក់។
អាកាសយានដ្ឋានអន្តរជាតិសៀមរាបអង្គរ នឹងរៀបចំពិធីបើកសម្ពោធជាផ្លូវការនៅថ្ងៃទី1 ខែធ្នូ ឆ្នាំនេះ។ ការវិនិយោគក្នុងដំណាក់កាលទី1 នៃគម្រោងបានកើនឡើងពី 880 លានដុល្លារ ទៅ 1,1ពាន់លានដុល្លារអាមេរិក។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងមេដឹកនាំមួយចំនួនមកពីប្រទេសចិន ក៏នឹងចូលរួមជាអធិបតីក្នុងកម្មពិធីនេះផងដែរ។